Søketips
I Sunnfjord bur det tre folkeslag - havfolket, fjordfolket og dalfolket - og dei to førstnemnde finn vi i Askvoll kommune. Levemåten skil seg mellom dei, og dette har sett sitt preg på den historiske utviklinga i distriktet. Dette er første bindet av allmennsoga for Askvoll kommune, som fortel om livet til havfolket og fjordfolket gjennom skiftande tider - i stagnasjon og framsteg, i uår og rikare år, i krig og fred. Boka dekkjer utviklinga frå dei eldste tider og fram til omkring 1865. Ho er delt i sju bolkar, som tek for seg kvar sin periode: den geologiske soga, steinalderen og bronsealderen, jernalderen, mellomalderen, tidleg nytid, 1700-talet og første halvdelen av 1800-talet.
